Манай байрны дөрвөн давхарт амьдардаг Ариунаа эгчийг би анх орцны үүдэнд тэрэгтэй хүүхдээ түрээд явж байхад нь харж билээ. Өөрөөс маань бараг зургаа долоон ах болов уу гэмээр, гэхдээ нэг л тийм намбалаг, нүдэнд дулаахан бүсгүй байсан юм. Би тэр үүгээр өнгөрөх бүртээ түүнийг хулгайгаар ширтэж, яаж ийгээд тааралдахыг хичээдэг байлаа. Харин тэр намайг зүгээр л нэг хөршийн жаахан дүү шиг л харж, "Сайн уу, дүү" гээд инээмсэглэдэг байсан шүү дээ.

Удалгүй би тэдний нөхөр нь гадаадад ажилладаг, Ариунаа эгч хүүхэдтэйгээ хоёулахнаа амьдардгийг мэдсэн. Ганцаараа амьдардаг болоод ч тэр үү, хааяа хүнд юм өргөх, эсвэл гэрт нь ямар нэг сантехник, гэрлийн бүрхүүл засах шаардлага гарахад намайг гуйдаг болов. Надад бол тэр бүр нь баяр баясгалан, түүнтэй хэдэн минут ч болов хамт байх, дуу хоолойг нь сонсох алтан боломж байхгүй юу. Очих болгондоо би хувцсаа янзалж, хамгийн гоё сүрчгээ цацдаг байсныг тэр мэддэг ч үгүй байх.

Нэг орой орцонд гэрэл унтарчихсан байсан чинь Ариунаа эгч харанхуйгаас айгаад орцны үүдэнд зогсож байв. Би таараад, утасныхаа гэрлээр замыг нь гэрэлтүүлж өгөөд хамт шатаар өгслөө. Хаалганых нь үүдэнд ирэхэд тэр надад баярласнаа илэрхийлж, "Манайд орж цай уух уу? Дөнгөж сая амттай бялуу хийсэн юм" гэж урилаа. Би ч баярласандаа зүрх минь цээжин дотроо багтаж ядан, шууд л зөвшөөрөв.

Цай уугаад, элдэв зүйл яриад сууж байтал Ариунаа эгч гэнэт маш гунигтай болчихсон юм. "Үнэндээ нөхөр бид хоёр салж байгаа. Тэр тэндээ өөр хүнтэй болчихсон юм билээ. Би энд ганцаараа үнэхээр ядарч байна" гээд нулимс дуслуулав. Сэтгэл минь өвдөж, би түүнийг тайвшруулах гээд гараас нь атгаж орхилоо. Яг тэр мөчид би өөрийгөө барьж чадалгүй "Би танд хайртай. Анх харсан цагаасаа л хайртай байсан" гээд хэлчихэв. Ариунаа эгч гайхсан нүдээр над руу харж, атгасан гараа татаж авах уу, яах уу гэж эргэлзэж байснаа...

🔒

Нийтлэлийг үргэлжлүүлэн унших

Та QPay ашиглан ердөө 2,500 ₮ төлөөд энэхүү нийтлэлийг унших, эсвэл сар/жилийн эрх аван бүх нийтлэлийг хязгааргүй унших боломжтой.

💳 Бүтэн унших (2,500 ₮) 💎 Сар / Жилийн эрх авах