Сарын болон жилийн эрх авах
1 сарын эрх болон 1 жилийн эрх аваад сайт дээр байгаа бүх нийтлэлийг унших боломжтой.
Оффисын амьдрал гэдэг гаднаас нь харахад цаас, компьютер, хурал цуглаан шиг мөртлөө яг дотор нь ороод ажиллахаар өөрийн гэсэн дүрэмтэй, маш халуун орчин байдаг юм билээ. Би эхнэр, гурван настай хүүхдийнхээ хамт амьдардаг жирийн нэгэн гэр бүлийн аав хүн л дээ. Эхнэр маань хүүхдээ хараад гэртээ байдаг болохоор өдөржингөө ядарчихсан, орой намайг очиход ихэвчлэн уур уцаартай, эсвэл зүгээр л ярилцах ч тэнхэлгүй унтаад өгдөг байлаа. Гэрийн амьдрал нэг л тийм стресстэй, байнга л мөнгө төгрөг, ахуйн асуудлаас болж маргалддаг нэгэн хэвийн зүйл болчихсон явсан юм.
Яг тэр үед манай багт Ану гэдэг шинэ охин ажилд орлоо. Залуухан, үнэхээр цовоо сэргэлэн, эрч хүчтэй охин байсан. Бид хоёр нэг төсөл дээр хамтран ажиллах болсноор өдөржингөө хамт байж, өдрийн хоолонд хамт орж, ажил дээр гарсан асуудлуудаа хуваалцдаг болов. Ану миний хийсэн ажлыг үргэлж магтаж, надад урам өгдөг байлаа. Гэртээ очоод зэмлэл, уур уцаар сонсдог надад Анугийн тэр дулаахан үгс, намайг хүндэлж байгаа харц нь үнэхээр сэтгэл татам санагдаж эхэлсэн байхгүй юу.
Би өөрөө ч мэдэлгүй өглөө ажилдаа яаран очих болж, Ануг харах бүртээ дотроо баярладаг болчихсон байв. Эхнэртэйгээ утсаар ярихдаа ундууцаж, Анутай ярихдаа инээмсэглэж байгаагаа анзаараад өөрөөсөө айж билээ. Энэ зүгээр л хамт ажилладаг хүмүүсийн найрсаг харилцаа юу, эсвэл би шугамыг даваад байна уу гэдгээ ч ялгахаа байчихсан байсан үе.
Тэгтэл нэгэн орой төслийн тайлангаа дуусгах гээд бид хоёр оффист оройтол хамт үлдлээ. Бусад хүмүүс аль хэдийн явчихсан, оффис маань нам гүм болсон байв. Бид хоёр ширээний ард зэрэгцэж суучихаад компьютер руу ширтэж байсан юм. Тайлангаа бэлдэж дуусаад Ану руу хартал тэр над руу маш гүнзгий бөгөөд дотно харцаар ширтэж байлаа. Тэгснээ тэр миний мөрөн дээр гараа зөөлөн тавиад, "Чимэд ээ, чамтай хамт байхад надад үнэхээр тухтай, дулаахан байдаг. Чи маш гоё залуу шүү" гэж шивнээд над руу улам ойртон, уруул нь миний уруулд бараг л хүрэх шахлаа. Миний зүрх цээжин дотроо зогсох шиг л болж, эхнэр хүүхэд маань нүдэнд харагдахын зэрэгцээ Ануд тэмүүлэх тэр аюултай хүсэл маань дотроос минь хашхирч байв.
Нийтлэлийг үргэлжлүүлэн унших
Та QPay ашиглан ердөө 2,500 ₮ төлөөд энэхүү нийтлэлийг унших, эсвэл сар/жилийн эрх аван бүх нийтлэлийг хязгааргүй унших боломжтой.