Найз залуу маань намайг өөр хүүхэнтэй араар тавьж хуурснаас хойш би эрчүүдэд итгэх итгэлээ бүрэн алдчихсан байсан юм. Яг тэр хэцүү үед миний оюутны найз Баяр маань надад маш их хань болсон л доо. Баяр ч гэсэн найз бүсгүйгээсээ салчихсан, сэтгэл санаа нь тааруухан байсан болохоор бид хоёр орой уулзаж пиво уун, бие биедээ зовлонгоо ярьдаг байлаа. Тэгээд нэг орой согтуудаа бид хоёр унтчихсан юм билээ.

Маргааш өглөө нь сэрээд хоёулаа маш их эвгүй байдалд орсон. Уг нь бид хоёр маш сайн найзууд болохоор энэ явдлаас болоод найзын харилцаагаа үгүй хийхийг хүсээгүй байхгүй юу. Тэгээд Баяр надад нэг санал тавьсан нь: "Хоёулаа зүгээр л бие биенийхээ бэлгийн харгалтыг хангах, ямар нэгэн сэтгэлийн холбоогүй, хардаж сэрдэхгүй зөвхөн сексийн харилцаатай байх уу?" гэдэг тохиролцоо байв. Би ч тэр үед шархалчихсан байсан болохоор зөвшөөрчихсөн юм.

Ингээд бид хоёрын "гэрээт харилцаа" эхэллээ. Долоо хоногт нэг юм уу хоёр удаа Баярын гэрт очдог байв. Бид уулзаад пиво ууна, секс хийнэ, тэгээд л би гэр рүүгээ явдаг байлаа. Гэрээ ёсоор бид бие биенээсээ хаагуур хэнтэй явж байгааг нь асуудаггүй, зүгээр л уулзах үедээ сайхан байхад л болдог байв. Эхэндээ энэ харилцаа надад маш амар, сэтгэл санааны ямар ч дарамтгүй сайхан санагдаж байлаа.

Гэтэл цаг хугацаа өнгөрөх тусам бүх зүйл өөрчлөгдөөд эхэлсэн юм. Секс хийсний дараа Баяр намайг зөөлөн тэврээд духан дээр минь үнсэх бүрт, эсвэл халуунтай байхад маань эм авчирч өгөхөд нь миний сэтгэл зүрхэнд гэнэт өөр мэдрэмж төрж эхлэв. Би Баярыг өөр охидтой чатлаж байхыг хараад өөрийн эрхгүй харамлаж, зүрх минь хөндүүрлэдэг боллоо. Тохиролцсон гэрээ маань миний сэтгэл зүрхэнд хүч хүрэхгүй болчихсон байсан байхгүй юу.

🔒

Нийтлэлийг үргэлжлүүлэн унших

Та QPay ашиглан ердөө 2,500 ₮ төлөөд энэхүү нийтлэлийг унших, эсвэл сар/жилийн эрх аван бүх нийтлэлийг хязгааргүй унших боломжтой.

💳 Бүтэн унших (2,500 ₮) 💎 Сар / Жилийн эрх авах